التسميات

10 معلومات غريبة جداً عن شخصية هارلى كوين


بمناسبة فيلم Suicide Squad وإعجاب الناس بشخصية Harley Quinn
جمعنالكوا 100 معلومات غريبة جدا عن شخصية هارلى كوين :


1- هارلى كوين كانت دكتورة نقسية طبيعية جدا وكانت بتعالج الجوكر لكن وقعت فى حبه وبقت مجنونه زيه!
2- مع ان شخصية هارلى كوين مشهورة بالجنان و المرض النفسى لكن الشخصية دى اتصممت انها تكون ذكية جدا بشكل مش متوقع وتعرف تتصرف فى اى موقف.
3- هارلى بتصنف انها طيبة بالنسبة للمجرمين فى جوثام سيتى وكذا مرة كانت بتبعد عن الجريمة لكن كانت بترجع لها بسبب حبها للجوكر
4- علاقتها بالجوكر من أكتر العلاقات المؤذية والغير مفهومة .. وده لأن الجوكر كل ما كان بيعذبها وبيبعدها عنه كانت بترجع تحبه أكتر!
5- مارجوت روبي مش اول واحدة تعمل دور هارلى فى التلفزيون لأن الشخصية ظهرت سنة 2002 فى مسلسل اسمه Birds of Prey ولعبت الدور ممثلة اسمها Mia Sara.
6- فى جزء من أجزاء الكوميكس باتمان ساعد هارلى انها تاخد إفراج مشروط من حبسها لأنه حس انها فعلا ابتدت تتغير وهتساعده يقضى على الجوكر .. لكن طبعا بعد ما خرجت الوضع اتغير ورجعت لطبيعتها الشريرة!
7- هارلى كوين عندها بنت!
 فى احد الاجزاء هارلى كوين كانت بتحارب مع صديقة ليها وبعدين افتكرت بنتها وفضلت تتكلم عنها وان اسمها لوسى وعندها 4 سنين .. وقالت أن ابوها هو الجوكر بس هو حتى ميعرفش ان عنده بنت!
8- فى فترة من الفترات شخصية اللبلاب السام او Poison Ivy كانت صديقة لهارلى كوين وادتها مصل يحميها من تأثير أى سموم تدخل جسمها.
9- سنة 2003 اعلنت شركة DC انها هتعمل سلسلة كاملة هارلى كوين و عملت مسابقة بتطلب من الرسامين المحترفين انهم يرسموا مشاهد من الاجزاء اللى هتتعمل جديد واحسن رسامين هيشتركوا فى رسم الاجزاء الجديدة من السلسلة .. المشكلة كلها انا المشهد كان عبارة عن انتحار هارلى كوين وكان فى نفس الوقت المسابقة أسبوع الوقاية من الانتحار فا طبعا الناس غضبت جدا على DC لأنهم هيخلوا هارلى تنتحر فا الشركة اعتذرت ومخلوهاش تنتحر!
10- ظهور شخصية هارلى كوين كان بالصدفة جدا حيث ان كان المفروض الجوكر هيتنكر لمرة واحدة فى هيئة ست وبعدها مكنش المفروض يظهر الشكل ده تانى .. لكن بعد ما ظهر شكلها وعجب الناس صناع الشخصية ابتدوا يفكروا ان يبقى فى نموذج نسائى بنفس جنان الجوكر فا عملوا هارلى كوين <3 !
مين الشخصية اللى فى حياتك اللى جنانها بيفكرك بهارلى كوين؟

التسميات:

المشاركات الشائعة